Konzerte 2015 zum 80. Geburtstag von G.A. Derungs
L'atun 2015 avain nus festegià l'80avel anniversari da Gion Antoni Derungs. En quest onn da giubileum han gì lieu trais gronds concerts cun ovras dal cumponist. La Fundaziun Gion Antoni Derungs ha onurà questas occurenzas cun in agen concert sinfonic.
Concerts sinfonics a Berna, Constanza e TuritgPer l'80avel anniversari da Gion Antoni Derungs han gì lieu l'atun 2015 trais concerts a Berna, Turitg e Constanza cun ovras da G.A. Derungs, dadas da la Südwestdeutsche Philharmonie sut la bitgetta da Mario Schwarz. Cun quai ha la Fundaziun vulì metter in accent marcant a la finiziun da la fasa da svilup. Il concert a Constanza fa part da la retscha da concerts sinfonics dal lieu, ils ulteriurs concerts èn vegnids organisads e finanziads da la Fundaziun Gion Antoni Derungs.
Förderer
|
Biografia musicala e scenica dad Armin BrunnerL'enconuschent musicist e dirigent Armin Brunner che ha lavurà divers onns sco manader da la partiziun musica e teater da la televisiun svizra, ha creà ina furma artistica fitg sepciala: el colliescha la prelecziun da texts sur dad in cumponist cun la represchentaziun dad intginas da sias ovras musicalas e contextualisescha uschia il svilup musical cun la biografia persunala. Questa furma è per nossa finamira da far enconuschent a Gion Antoni Derungs ad in cerchel d'auditurs pli grond fitg adattada. Questas biografias vegnan dadas a Vella, Luzern e Turitg sco occurenzas che duran tut la saira ed a Berna e Constanza en ina versiun pli curta gist avant il concert principal.
Förderer
|